.

.

.

.

هالكاريكاتير اعجبني لانه يتكلم عن واقع الانترنت

واللي لللاسف اصبح وسيلة البعض للنصب على الناس

رح اقولكم قصة حصلت معي انا بالذات

القصة انه جتني رسالة عبر بريدي الالكتروني عن وحده اخصائية جلدية تهتم بالبشرة والتجميل

وان مركزها معروف بأوربا

ولتواصل معها لها بريد الكتروني

المهم الفضول وحب التجربة خلاني اراسلها وفعلا جاني رد ألي على رسالتي يعطيني المسنجر للتواصل

عبر الهوتميل

بالبداية استغربت كيف ما سألتني عن مشكلتي ولا حاولت تعرف هل انا جاده اولا

المهم اضفتها عندي

وتواصلت معاها وشوي تكتبلي بالعربي وشوي تكتبلي بالانجليزي

وكانت تعطيني نصائح عامة للبشرة وتعطيني وصفات عادية متعودين عليها وتقول انها ماتحب الا كل شيء طبيعي ولا تحب انها تعطي ادوية كيميائية

سألتني عن عمري وطولي ووزني وعطيتها

لين وصلت تسألني عن حياتي واسمي

الصراحة أنا ما عطيتها الحقيقة لا باسمي ولا بحياتي

وبعدها سافرت وانقطعت عن النت لما فتحت بريدي لقيت عدة رسائل منها تسأل عني وجاوبتها اني كنت مسافرة

وكنت اذا اتصلت بالنت تسلم وتضل تتكلم معي عن نفسها وشهادتها

لين طلبت أني اقبل ملف قالت انه يحتوي صورتها وهي بفرنسا قبلت الملف

وفعلا كان فيها مجموعة تحتوي شابين

وفتاة قالت ان هذي هي استغربت كيف تكون عربية وبشرتها بيضاء جدا وملامحها اوربية

 وكمان شعرها اشقر

  قالت ان امها فرنسية قلت بعقلي حتى الفرنسيين مو كذا بشرتهم وملامحهم ولا فيها اي ذرة لمحه عربية

المهم تكلمتلي عن الشابين وان واحد تعرفه لانه درس معها والثاني صديق للشاب

واخذت تمدح بالشاب وانه عربي راقي وهاتك يامدح

قطعت كلامها وقلتلها ان لي قريبه تعاني من اكزيما فعصبت علي وردت رد غريب قالت تروح للدكتور!!ـ

فستغربت جوابها اجل انتي ايش؟!!ـ

المهم اعتذرت وقالت انا الحين غير مهيئة للاستشارة انا طفشانه وابغى احد اتكلم معاها

واحس ان انتي قريبه مني وتفهميني!!ــ

استغربت كلامها وقت طيب !!ـ

انتهت السالفه لين جاء يوم ولقيت رساله فيها صورة واعتراف من هالاخصائية

انها كذابه وانها مو اخصائية وانها ولد!!ـ

وانه حب يتعرف على البنات بأتباع هالطريق

وانه معجب وانه ما يبغى يكذب علي لانه حس انه انا ما استاهل

وكلام كثير جدا جدا واخذ ينزه نفسه

ويبغى مايفقد هالصداقة….امحق صداقة !!ـ

المهم أنا قلت الحمد الله اني ماعطيته الحقيقة

المهم الغيته وحذفته من المسنجر وظل يرسل رسائل ولكن كلها ديليت!!ـ

ولما شفت هالكاريكاتير تذكرت الحادثة رغم اني نسيتها لان لها سنتين تقريبا

وحبيت اكتبها للعبرة

او بمعنى اصح

لا تعطي كل اللي عندك….ولا تعطي الحقيقة كاملة

لان ممكن تكون تعطيها للي مايستحقها!!ـ